Header Ads





Mtoto wa miaka mitatu amefariki dunia, huku wanafamilia wengine 10 wakinusurika baada ya kula mihogo ya kuchemsha inayosadikiwa kuwa na sumu.

Tukio hilo lilitokea Mei 19 eneo la Mbondole Manispaa ya Ilala. Mwenyekiti wa Mtaa wa Mbondole, Thomas Nyanduli alisema alipewa taarifa kuwa familia ya Chacha Fyefye yenye watu 11 ilipatiwa matibabu katika zahanati ya Kivule baada ya kula mihogo hiyo.

Nyanduli alisema wengine walihamishiwa Hospitali ya Rufaa Amana ambako baada ya matibabu waliruhusiwa kutokana na afya zao kuimarika.

Kamanda wa Polisi Mkoa wa Ilala, Salum Hamduni alithibitisha kutokea tukio hilo akisema wanaendelea na uchunguzi kubaini chanzo.

Weka E-mail yako hapa upate Story

 
M-MEDIA Tz © 2016. All Rights Reserved. Powered by Massacky Media Tanzania
Top